Gísli J. Ástþórsson, besti kennari sem ég hef haft.

Aldrei skrópaði nokkur nemandi í enskutíma hjá honum Gísla í Víghólaskóla í Kópavogi, hann var svo skemmtilegur og þýður kennari. 

Hann fór ekki alltaf eftir bókinni þegar hann var að kenna okkur, heldur teiknaði hann ýmsar fígúrur upp á töflu og lét okkur lýsa þeim á ensku.  Hann kenndi okkur líka að hugsa á ensku og vera ekki alltaf að þýða yfir á íslensku, heldur að skilja málið frá grunni.  

Skemmtilegustu minningar mínar úr "gaggó"  voru tímarnir hjá honum Gísla J.

Ég á honum margt að þakka og hef alltaf verið hreykin og þakklát fyrir að hafa haft hann sem kennara.

Blessuð sé minning hans

Gísli J. Ástþórsson látinn

Athugasemdir

[Hólmfríður Gísladóttir (IP-tala skráð) 31.8.2012 kl. 23:41]

Langar til að þakka þér falleg orð um hann pabba minn.

Bestu kveðjur, Hólmfríður